Property, 7/12, NOI & Stamp Duty — FAQ (Maharashtra)
वारंवार विचारले जाणारे प्रश्न
Maharashtra me property, land records aur registration se jude aam sawaalon ke saaf-saaf jawaab. Jo samajh na aaye, hamari team madad ke liye hai.
🗂️ Land Records — 7/12, 8A, Property Card
7/12 extract (सातबारा उतारा) kya hai?
7/12 extract Maharashtra me agricultural land ka main record hai — ismein survey/gat number, maalik ka naam, kshetrafal (area), peek aur zameen par loan/charge dikhte hain. Ye village Talathi maintain karta hai. → 7/12 extract service
7/12 online kaise nikale?
Digitally-signed 7/12 Maharashtra Mahabhulekh portal (bhulekh.mahabhumi.gov.in) se online milta hai. Ishta Grid Rise aapke liye kisi bhi gaav ka digitally-signed 7/12 nikaal deta hai. → Order 7/12
7/12 aur 8A me kya fark hai?
7/12 survey-number wise hota hai (ek zameen ki detail). 8A holder/khata wise hota hai — ek vyakti ki gaav me saari zameenon ki list. → 8A extract
Property Card (Milkat Patrika) kya hai?
Property Card shahar/urban (non-agricultural) property ka ownership record hai — maalik, area aur charges dikhata hai. Ye city zameen ke liye 7/12 ke barabar hai. → Property Card
Mutation (फेरफार / e-Ferfar) kya hai?
Sale, warsa (inheritance), gift ya loan ke baad land record (7/12) update karna — taaki naye maalik ka naam aur charge record me aa jaaye. → Mutation / e-Ferfar
Bhu-Naksha kya hai?
Bhu-Naksha online cadastral map hai jo plot/survey number ki boundary dikhata hai. → Bhu-Naksha
🧾 Stamp Duty & Registration
Maharashtra me stamp duty kitni hai?
Sale deed par aam taur par 7% metro (Pune/PCMC/Nagpur/Thane/Navi Mumbai), 6% urban & influence area, aur 5% rural (gram panchayat). Gift, release, partition, mortgage ki apni rates hoti hain. Turant andaaza lagao → Stamp Duty Calculator
Registration fee kitni hoti hai?
Property value ka 1%, maximum ₹30,000 tak. Kuch documents me ye fixed hoti hai.
Stamp duty kis value par lagti hai?
Agreement (consideration) value ya government Ready Reckoner (ASR) value — jo zyada ho, usi par.
Index 2 kya hai?
Index 2 ek registered document ka summary hai (parties, property, value) jo Sub-Registrar deta hai — registration ka proof. → Index 2 / document copy
Registered document ki certified copy kaise milti hai?
Sub-Registrar office ya IGR Maharashtra portal se certified copy milti hai. Ishta Grid Rise aapke liye registered document copy aur Index 2 nikaal deta hai. → Get document copy
🏦 NOI, e-SBTR, GRAS & Mortgage
Notice of Intimation (NOI / Section 89B) kya hai?
Jab loan equitable mortgage (title deeds jama karke) se secure hota hai, to Section 89B ke tahat 30 din ke andar Sub-Registrar me Notice of Intimation file karni hoti hai. Ye lender ke charge ka public record banati hai. → NOI filing
NOI kab tak file karni chahiye?
Equitable mortgage banne ke 30 din ke andar. Der ya na karne par penalty lagti hai aur lender ki security kamzor hoti hai. → NOI help
e-SBTR kya hai?
e-SBTR (Electronic Secured Bank and Treasury Receipt) stamp duty / fee payment ka electronic proof hai, authorised banks ke zariye.
GRAS challan kya hai?
GRAS (Government Receipt Accounting System) Maharashtra ka online portal hai — stamp duty, registration fee aur doosre govt dues bharne aur challan banane ke liye.
Mortgage deed registration kya hai?
Loan ke liye property par bana charge Sub-Registrar me register karna. With possession aur without possession mortgage ki stamp duty alag hoti hai. → Mortgage deed
ℹ️ General
Kya aap loan dete ho?
Nahi. Ishta Grid Rise ek documentation & facilitation partner hai. Loan sirf respective Bank / HFC / NBFC apni credit policy ke hisaab se deta hai. Hum property, legal aur registration ka kaam dekhte hain. → Loan facilitation
Kya aap poore Maharashtra me service dete ho?
Haan. Ishta Grid Rise Akola me based hai aur poore Maharashtra me property registration, NOI, mortgage aur land-record services deta hai.